أخر الأخبار

حرب النيّتو على داعش


nato-planes

حرب النيّتو على داعش:

 

(( دور، دور, شلوّتي ))

 

بقلم: أبو داري الأحوازي

 

اللّيّ چانوا لاعبين هذه اللعبة ( دور, دور, شلوّتي) يعرفون شنگول ..

ماچان عدنه گبل تبهه ( كرة ) مثل هسّة ولهذا نلف الخرگ مثل الدهرابة يعني شكل التبهة انسویها وانگوم نلعب بيها أمّا بريلينه وأمّا باليبال( والي وال) أو كل لعبه أخرى اللي نلعبها وأكثر هذه اللعبات بالليال الگمرية . مثل ( اشطيطو, خطة حيلة, امغيرفة امغيرفة اببيت من. طيحي يا نيمة اصّبح, خيالة يو نزالة, ابعيعيّة نشّي الذبان, غميضها جيجو, اخويّلي,,و ….

چنّه بعد كل ( غلبة – داو) انبدّل المچان وأنصيح : ( دور دور شلوّتي) يعنی انبدّل مچاناتنه ونحن نفتر وفي نفس الوكت نركض و تمتد الايدين على بعض الاعبين بعض وانردّد ال ( دور دورشلوتي) .

فهسّه بالضبط معركة حلف (النيتو) على (داعش ) واللهّي اتذكّرنه ابلعبتنا ( دور, دور شلوّتي).

الحد هسّة عليكم الله هل أحد منكم عرف منه الغالب ومنهو المغلوب؟؟ وين أم الدّعش وصلت أو وين الحلف وصل؟؟

بس اللیّ نسمعه هو ( طائرات التحالف ضربت …و…داعش ضربوا…والبشمرگة وصلوا والبشمرگة شردوا, و جیش (عبّودي ) انتصر, وجيش ( عبّودي ) شرد, و الطائفيين يطلبون بثار دم كربلة من اهل السنّة وأهل السنّة ينفون ارتباطهم بمن كان يقاتل في كربلة نفيا گاطعا ويحلفون ویگولون أنّ من گتل سيدنا الحسين هو واحد من جماعتكم, ومن گتل سيدنا علي كرّم الله وجهه هو أيضا من جماعتكم من اهل شيراز, ومن سبئ الخيام هم ( البرامكة).ولاعدنه خبر من هو الليّ سرگ فرس سيدنا الحسين.. و اذا تردونها طلايب عشائرية أحنه حاضرين وكل من ايصير عليه الحگ لازم يفصل , بعد احنه بيش بيها تحرگون بيوتنه وتفجرونها وتنهبون كل ما عدنه؟!. .

بعدين يا جماعة الخير, تعالوا أنتاني صاحب الزمان لمّا يطلع علينه من ( بير سامرّاء ) ونساله عن كل شي ولآنّه الرجل ما نتصور يچذب خاصة وأنّهو رايح يملآ الارض والسماء عدلا وانصاف, نساله وهو ايخيّط ونحن نلبس, بعد تطلبونّا؟

أشو هسّة انتم اچلتونه ابريشنه, يا جماعة انتم اهل البلد يو حنّه ؟ موش انتم دخلتوا بلادنا ورحبّنا بيكم واعطيناكم جناسي عراگيّة تجنّستو, وتثقفتوا انتم و خلفتكم واكلتوا عيشنه وملحنه, چا اللعّد هذا هو الجزء؟ چا انتم هم صرتوا مثل ابن عمكم ( ابن ملجم المرادي الشیرازي ا!!) الملعون قاتل سيدنا علي كرّم الله وجهه ؟؟

بعدين احنه وانتم بعد هاي كلها الگرون من الزمن اللي فاتت على عركة بين أولاد عم ( بين بيت أميّه وبين اخوه بيت هاشم ) تعاركوا على الشيخة ما ندري عليمن! !؟..

مالنا حاية ابطلابت الجماعة ونرجع لسالوفتنا عن النيتو وداعش ودور دور شلوتي:

أخيرا سمعنا أن الدّگة طاحت ابراس البطل معاذ الأردني , ومع هذا الى الان محّد يدري اشلون طاحت طيارته المصخّمة من دون باجي الطيارات!( كل البلام ادّور, بس بلمي غاطس ) ويمچن هم صابها صاروخ ابن عمها, ولآن مثلما أبو المثل اليگوله (الأولى بالمعروف) , وخيرنا لايكون الغيرنا و علوّیش صاروخ ابن عمها ايروح يتزوّج له مع وحده غيرها؟!.

حلف (النيتو) يتصوّر أنّ بس هوّ اللّي يعرف يلعب ( دور دور شلوّتي) ماعدّه خبر أنّ احنه من زمان يازمان چنّه نلعب هاي لعبتهم, .

أكو اهواية لعبات الو يردون خاطرانعلمهم, يعني گبل لا يبدون باللعّبة نوصيّهم ايودّون ورانه خاطر انگول الهم اشلون , بعد علوّيش كلهاي الخساير والتمارين, يالله هنّوب يوصلون الى ما چّنا گبل يا گبل نلعبها.

یعنی انعلّمهم بلاش مجانا وبدون منيّة و أبو داري سيكون كل وكته ابخدمت .. النيتو..

التغريدات

  • It seems like you forget type any of your Twitter OAuth Data.